Mutum bakwai ake tunanen sun mutu bayan da motoci uku suka yi karo da juna a yankin Ulakwo, kan titin Owerri zuwa Aba, a daren Lahadi a jihar Imo bayan wani ruwan sama mai ƙarfi.
Jami’in hulɗa da jama’a na rundunar ‘yan sanda ta jihar Imo (PPRO) DSP Henry Okoye, ya tabbatar da afkuwar lamarin, yana mai cewa jami’an ‘yan sanda sun je wurin don tabbatar da doka da oda.
“Eh, DPO da mutanen sa suna wurin don tabbatar da doka da oda, da kwashe gawarwakin, da kuma tabbatar da cewa zirga-zirgar ababen hawa na tafiya yadda ya kamata. Mun ɗauki matakan da suka dace kan lamarin,” in ji PPRO.
Rahoton LEADERSHIP ya bayyana cewa an samu ruwan sama mai ƙarfi misalin ƙarfe 5 na yamma, wanda ya haddasa cunkoso yayin da masu ababen hawa ke ƙoƙarin gujewa tsaikon hanya.
Wata majiya ta danganta hatsarin da rashin iya gani sosai da gaggawar direbobi yayin ruwan saman.
Ya ce, “Ko da yake titin yana da faɗi, ruwan sama ya sa hanya ta matse wanda ya haddasa haɗuwar motoci ukun da juna, lamarin da ya yi sanadin mutuwar waɗanda suka rasa rayukkan su.”
LABARAI MASU ALA'KA DA JUNA
-
Gwamnatin Kano ta tabbatar da za ta yi adalci da sauraron ƙorafe-ƙorafen al’ummar da aikin magance zai zayar ƙasa zai shafa a Bulbula tare da biyan diyya
-
Buba Galadima ya ƙaryata batun komawar Kwankwaso APC da Ganduje ya yi
-
NSCDC ta tura Jami’ai 415 a Zamfara don tabbatar da tsaro lokacin bukukuwan Easter
-
Ƴansandan Najeriya Najeriya sun cafke mutum biyu kan rikicin baya-bayan nan da ya afku a jihar Filato
-
Shugaba Tinubu ya ƙaddamar da sabon kwamitin ƙidaya