Daga Fatima Suleiman Shu’aibu
Gwamnan Kano Alhaji Abba Kabir Yusuf, ya amince da murabus ɗin kwamishinan Ma’aikatar Bibiya da Tabbatar da Nagartar Aiki Injiniya Mahammad Diggol.
Bayanin hakan na kunshe a cikin wata sanarwa da mai magana da yawun gwamnan, Sanusi Bature Dawakin Tofa, ya fitar.
An dai naɗa Muhammad Diggol a matsayin kwamishinan sufuri a farkon gwamnatin Gwamna Abba Kabir Yusuf a shekarar 2023.
Daga baya gwamnan ya mayar da shi Ma’aikatar Bibiya da Tabbatar da Nagartar Ayyuka, in da ya yi aiki har zuwa wannan lokaci da ya yi murabus.
Sallamar da Gwamna Abba ya yi wa Sakataren Gwamnati da Kwamishinoninsa 5.
Gwamnan Kano ya gana da ƴan majalisar wakilai na Kano Kano sabuwar dokar haraji.
Gwamnan Abba ya zargi gwamnatin Ganduje da cin hanci da rashawa da gazawa wajen tsara birane.
Gwamna Yusuf ya bayyana godiyarsa ga Engr. Diggol bisa hidimarsa da jajircewa gami da sadaukarwar da ya yi a lokacin da ya ke matsayin dan majalisar zartarwa ta jiha.
A cewar sanarwar, Gwamnan ya kuma mika sakon fatan alheri ga Engr. Diggol a cikin al’amuran rayuwarsa ta gaba.
LABARAI MASU ALA'KA DA JUNA
-
Dokin rundunar Sojin Najeriya mai muƙamin Sajan ya mutu a Kaduna.
-
Ɓarawo ya mutu yayin da ya ke ƙoƙarin sata a cikin Taransifoma.
-
Yansadan jihar Adamawa sun fara bincike kan wasu mutum 2 da zargin sun yi wa yara mata biyu Fyade.
-
Yayin da Ƴansandan Kano su ka gargaɗi al’umma kan shiga cunkoso saboda barazanar tsaro gwamnatin jihar ta ce taron Mauludin Shehu Inyass ya na nan daram.
-
Wata gobarar tankar fetur ta ƙone direbanta a Ibadan.