Gwamnatin tarayyar Nijeriya ta amince da sayo jiragen yaki masu saukar unguku har guda 12, domin tunkarar matsalar tsaro da ta dade tana addabar kasar nan.
Rundunar sojin Nijeriya za ta yi amfani da jirage yakin masu saukar ungulu ne wajen yin sawagi a sasarin samaniya domin magance kalubalen tsaro da ke addabar kasar nan.
Babban hafsan sojin Nijeriya, Laftanar-Janar Taoreed Lagbaja, shi ya bayyana haka a wajen bude taron kara wa juna sani na harkokin jiragen sama na sojojin Nijeriya da ya gudana a Abuja.
Ya ce, jirage masu saukar ungulu guda 12 za su fara aiki da sashin kula da zirga-zirgar jiragen sama na sojojin Nijeriya, wanda aka kafa domin inganta karfin sojojin kasa da daukar dawainiyar aiki da kuma inganci yayin gudanar da ayyuka.
Ya kara da cewa za su ci gaba da bayar da gudunmuwa ga hadakar sojin Nijeriya har sai an samu nasara.
Ya kuma yaba wa shugaban kasar kan yadda ya siya wa rundunar sojojin Nijeriya makamai da sauran kayayyakin aiki domin samun ingantacciyar sashin kula da jiragen sama wanda zai tallafa wa sojojin kasa wajen mai da hankali kan dabarun aiki da zai ba su nasarar dakile matsalar tsaro a kasar nan.
LABARAI MASU ALA'KA DA JUNA
-
An banka wa gidaje 24 da runbunan ajiyar hatsi wuta a jihar Jigawa bayan wani rikici ya ɓarke tsakanin Hausawa da Fulani.
-
Sojoji sun isa wasu ƙauyuka biyar a jihar Kebbi dan farwa Lakurawa, bayan sun kai harin da ya yi ajalin mutum 10.
-
Gwamantin Edo ta rushe gidan wani mutum saboda zarginsa da hannu a ayyukan garkuwa da mutane.
-
Gwamantin Kano ta ƙulla yarjejeniyar samar da sabbin motocin sufuri na zamani masu amfani da CNG.
-
Jam’iyyar PDP ta yi Alla wadai da dakatar da Sanata Natasha.