Hukumar hana fasa kwabri ta Najeriya reshen Apapa, ta bayyana cewa ta samar da kudaden shiga na Naira biliyan 18.9 a rana guda daga ranar Juma’a 14 ga watan Maris.
A wata sanarwa da ya fitar a ranar Litinin, Jami’in Hulda da Jama’a na hukumar Tunde Ayagbalo, ya bayyana cewa wannan shi ne mafi girman kudaden shiga da aka taba samu a tarihin ofishin kwastan na Apapa.
Ya ce sabbin alkalumman kudaden da ake samu ya zarce na baya, wanda ya kasance Naira biliyan 18.2 a watan Oktoba na shekarar 2024.
Kwanturolan hukumar mai kula da yankin Babatunde Olomu, ya bayyana wannan ci gaba a matsayin farkon wasu manyan nasarori da za a cimma a shekarar 2025.
Ya tabbatar da cewa hukumar ba za ta sassauta ba, wajen yaki da safarar kayayyaki ta barauniyar hanya.
LABARAI MASU ALA'KA DA JUNA
-
Ƙudirin dokar da ke neman samar da Ofishin Firainista a matsayin Shugaban Gwamnati a Najeriya ya wuce karatu na 2 a majalisar wakilai.
-
Jami’an tsaro sun kama ɗalibai 59 a jihar Oyo
-
An dawo da ƴan Najeriya kusan 1000 gida daga ƙasar Libiya a farkon 2025 kawai
-
Masarautar Bauchi ta yi amai ta lashe kan soke hawan Sallah.
-
Kwastam ta kwace kuɗi kimanin naira biliyan 289 da aka boyi a katon ɗin yoghurt a Filin Jirgin Saman Abuja