Me Ya Sa Aurenmu Ya Ke Yawan Mutuwa?

Page Visited: 449
0 0
Read Time:3 Minute, 0 Second

Mun dan yi wani bincike da mu ka gano wasu abubuwan da ke saurin kashe aure ko da maaurata suna son junansu, za mu fara dauko su daya bayan daya muna tattaunawa.

Abu na farko da ke cikin wannan rukunan da ke kawo matsaloli a zamantakewar auranmu (hausawa) har ya kai ga rabuwa shine rashin (communication), wato tattaunawa da fahimtar juna.

Kamar yadda muka sani shi aure wani abu ne da mutum biyu suka yi yarjejeniyar yin sa gami da amincewa za su zauna zama na har abada domin taimakon juna da samar da zuria masu inganci da kuma farin ciki tsakaninsu, da samun lada da rabautar da zata kai su har aljanna, don haka a irin wannan zama ba soyayya kawai ake bukata ba dole sai an samu fahimtar juna wanda shine abun da ya yi karanci a zamantakewar auranmu.

Misali sau da yawa namiji yana ganin matarsa tana aikata wani abu da ransa bai so ko ya shiga wani hali a kasuwa ko gurin aiko na damuwa, ko matar ta tsiro da wasu halaye da bai san ta da su ba, maimakon ya zaunar da matarsa su tattauna su gano bakin zaren sai dai ya tafi majalisa yana tattara laifi gaba daya yana dorawa mata ko ya samu abokinsa ko wasu yan’uwansa yana gaya musu matarsa kazama ce ko bata iya girki ba ko tana kaza da kaza, ko tunda ya fara samun matsala a kasuwancinsa ba ta daga masa kafa, bayan bai zaunar da ita sun tattauna ya gaya mata irin matsalar da ya ke fuskanta ko abun da ta ke masa da baya so ba.

Haka nan itama a bangaran mace idan ta ga mijinta ya sauya halaye ko ya tsiri wasu abubuwa ko ya daina yi mata bukatunta kamar yadda ya saba ko ya daina zaman gida ko daina cin abincinta ba za ta zaunar da shi su tattauna ta ji daga bakinsa ba sai dai ta je ta samu kawaye ko dangi tana gaya musu mijinta kaza mijinta kaza, duk da wani lokacin matan sukan ji shakkar tarar miji domin su tattauna matsalolinsu.

Wannan rashin tattaunawar tana kawo babban gibi gami da haifar da matsaloli a cikin aure, don haka ina kira ga magidanta musamman maza su koyi tattauna komai da iyalinsu ba dole sai ka gayawa matarka sirrinka ba (Wanda idan da hali ma yakamata ka fada saboda halin mutuwa) idan ka samu matsala gurin aiki ko kasuwanci zaunar da ita ka gaya mata wance yanzu kasuwa babu ciniki don haka zamu rage yin kaza da kaza, sannan idan kin ganni na dawo gida a fusace ko na sauya miki ki yi min uzuri domin na shiga wani hali, duk kuma wani bakon abu ko abun da baka so ya shigo gidanka ko ta sauya wasu dabi’u ko kawaye ko dai wacce irin muamala nuna mata gaya mata, insha Allah za ka ga an samu saukin fahimta, domin aure ya mutu da yawa akan kananan abubuwa ko kuma ma’aurata su zama makiyan juna babu gaira babu dalili saboda zato da zargin juna suna kuma kwana su tashi a gado daya su kasa tattaunawa.

A bangaran mace kema idan kin ga mijinki ya tsiri wasu halaye da ba ki saba gani ba zauna ki nutsu ki gane menene ya faru, shin ke kika sauya da yi masa wasu abubuwan ko a gurin aiki/kasuwa ne ya samu matsala, ko wata ce ya gani ta ke son kwace miki shi, idan kin gano ko baki gano ba zaunar da shi ku tattauna ku fahimci juna Insha Allah za a samu saukin damuwa.

Wannan ra’ayin Fa’iziyya D Suleman ne

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Ra'ayi

Anya Kuwa Kasan Wani Tela Da Ke Ɗinka Ɗan Kamfai A Najeriya Duk Da Irin Mahimmancinsa.

  Yayin da wasu ƴan Najeriya ke kokawa da matsin taltalin arziki ake kuma nemo hanyar kawo karshensa wani mai amfani da kafafen sada zumunta Abdulwahab Said Ahmad na da ra’ayin cewa matuƙar ba a rungumi ƙananan ƙere-ƙere a gida ba to ba za a taɓa samun sauyi ba. “Ba zamu fita daga cikin halin […]

Read More
Ra'ayi

Fetur A Arewa: Bauchi Na Maraba Da Buhari- Dr Aliyu Tilde.

Kaddara Bauchi da Gombe dai kaddara ta rubuta kasancewarsu tare har abada. Farko, a Daular Usumaniya lokacin da Yakubun Bauchi da Buba Yero suka assasa masaurautunsu, an samu rashin jituwa tsakaninsu a kan ina ne iyakar kowannensu. Bayan da aka yi wani yaki a tsakaninsu har ya kai ga kashe juna, sai Muhammadu Bello a […]

Read More
Ra'ayi

Rashin Ƙarfafawa Ke Durƙusar Da Masu Fasahar Mu A Najeriya Musamman Ƴan Arewa.

Daga Suleman Ibrahim Modibbo Allah ya azurta ƴan Arewa da mutane iri-iri da suke da baiwar ƙirƙire-ƙirƙire da ƙere-ƙere da yawan gaske kuma a kowane sako da lungu na ƙasar nan musamman ma a wannan yanki namu na Arewa, to amma basa samun cigaba. Suna rasa cigaba ne saboda rashin ƙarfafawa daga gwamnatoci, mawadata da […]

Read More