Daga Sadiq Muhammad Fagge
Shahararren ɗan kasuwar nan na Najeriya a jihar Kano, Alhaji Aminu Dantata, ya ce tsarin Firaminista da wasu ‘yan majalisa ke ƙoƙarin tabbatarwa shine ne yafi alheri ga Najeriya.
Dantata, ya bayyana haka ne a lokacin da wasu ‘yan majalisar wakilai a Najeriya , ƙarƙashin jagorancin shugaban marasa rinjaye, Kingsley Chinda, suka kai masa ziyarar neman shawara a gidansa da ke birnin Kano a ranar Alhamis.
Ya kuma bayyana godiyarsa bisa zuwan su gidansa, “ina yi wa wannan gagarumin yunƙuri naku fatan nasara”.
A cewarsa tsarin nan na Firaminista ya fi kyau ga kasar nan “saboda yana da arha sosai yayin da tsarin shugaban ƙasa mai cikakken iko yake da tsada sosai musamman ga kasa kamar Najeriya”.
“Ina fatan za ku sami haɗin kan abokan aikinku kuma ina rokon Allah ya ba ku hikima ya kuma yi muku jagora don cimma wannan kyakkyawan aiki na taimakon kasar nan”, in ji shi.
Idan za’a iya tunawa wasu yan majalisu kusan su 60 sun nuna goyon bayansu kan wannan yunƙuri na mayar da Najeriya tsarin Firaminista kamar yadda ƙasar take a jamhoriya ta farko da kuma kafin ƙasar ta sami yancin kai wanda suke ganin shine mafi sauki.
LABARAI MASU ALA'KA DA JUNA
-
Soba Chairman-elect Molash sets agenda for the Council
-
Wani Babban Kwamandan Sojin Isra’ila Ya Baƙunci Lahira A Gaza.
-
Hukumar Lafiya Ta Duniya Ta Ayyana Ƙasar Masar A Matsayin Wadda Ta Kawar Da Sauro.
-
Ina nan daram kan takarar shugabancin ƙaramar hukumar Zariya – Hamisu Idris
-
Za Mu Yi Ƙoƙarin Rage Kuɗin Aikin Hajjin Bana – NAHCON.